Einn glæsilegasti hestabúgarður á Íslandi til sölu

Jörðin Mið-Fossar í Borgarbyggð – Hestamiðstöð með stórri reiðhöll, keppnisreiðvelli, skeiðvelli, hesthúsum fyrir 79 hesta, tækjageymslu o.fl.

Jörðina Mið-Fossar í Borgarbyggð, sem er 599,0 hektarar að stærð með 52,9 hekturum ræktaðs lands. Á jörðinni eru 2030,0 fermetra reiðhöll með öllum tilheyrandi búnaði, s.s. áhorfendastúku, hljóðkerfi, salernum, hitablásurum, tvennum innkeyrsludyrum o.fl. Mjög vönduð hesthús, samtals um 750 fermetrar að stærð með stíum úr ryðfríu stáli fyrir 79 hesta, góðri kaffistofu, kennslustofu/fundaraðstöðu, eldhúsi, snyrtingum o.fl. Tækjageymsla er um 300 fermetrar að stærð með góðum gluggum og innkeyrsludyrum. Undir hesthúsi er haughús, sem ekið er inn í til að tæma. Gólfhiti er í hesthúsum og tækjageymslu. Jörðin er vel staðsett með tilliti til allrar þjónustu, en hún er í næsta nágrenni við Hvanneyri og Borgarnes og aðeins 1 klukkutíma akstur er til Reykjavíkur. Á jörðinni er malarnáma til efnistöku með öllum tilskyldum leyfum.

Á jörðinni er einnig íbúðarhús á tveimur hæðum, sem er 330,4 fermetrar að stærð að meðtöldum 61,8 fermetra bílskúr. Íbúðarhúsið er með lítilli auka íbúð á neðri hæð.

Á jörðinni eru glæsilegur skeiðvöllur og reiðvöllur með dómarahúsi, reiðstígar, mikið ræktað land, úthagar og malarnáma. Góð skotveiði hefur verið á landinu.

Jörðin er girt að mestu leiti og þó nokkur tækjakostur og búnaður fylgir með jörðinni, s.s traktor, liðléttingur, sópvél, dekkjavalti, öll húsgögn, eftirlitsmyndavélakerfi og fleira lausafé.

Reiðstígar eru fyrir aftan reiðhöllina fram hjá stykkinu við lækinn og alveg inn úr og í kringum fellið og að Hestfjalli, sem er við enda landareignarinnar vestan megin. Einnig eru reiðleiðir með fram Hestfjalli og fjölbreyttar reiðleiðir inn á landareigninni. Skipt var um heitavatnslögn skamkvæmt samkomulagi við Orkuveituna. Inni í því samkomulagi var endurnýjun á mörgum girðingum og lagning reiðvega. Einnig vegur/reiðleið norðan megin jarðarinnar.

Jörðin hefur verið í leigu til Landbúnaðarháskólans á Hvanneyri en sá leigusamningur er að renna út.

Frábært tækifæri til að eignast einstaka perlu fyrir hestamennsku á mjög fallegum stað á Íslandi steinsnar frá höfuðborginni.
Þetta er aðalmyndin